HUNYO 10, 2020 – Naghangyo si Mayor “Poling” Lorenzo sa pagpahugot sa mga lakang batok sa COVID-19, ilabi na karon nga nanguli na ang mga taga-Quezon gikan sa lain nga nasod, Metro Manila, ug uban pang lugar nga apektado sa maong virus.

Kini atol sa panagtigum sa mga kapitanes sa 31 ka barangay sa Quezon, Bukidnon karong adlaw sa Wellness Center.

Matod pa niya, angay lamang nga ipalapad ug panghingusgan ang mga isolation facilities sa matag-barangay aron maplastar ang pagquarantine sa mga muabot.

Kahinumdoman nga gi-accredit sa Department of Health isip Local Isolation and General Treatment Areas for COVID Cases (LIGTAS COVID) ang Municipal Isolation Unit ug ang Barangay Isolation Unit sa Poblacion.

Kanunay andam ang lokal nga panggamhanan sa Quezon, Bukidnon sa pagbatok sa COVID-19.