Para kay Mr. Eutemio “Tim” Gam, dili angay ikahadlok ang bakuna!

Matod sa 69 anyos nga residente sa Brgy. Poblacion, ang bakuna nagahatag og proteksyon kaniya, ilabi na isip usa ka senior citizen nga gi-dialysis ug kanunay gabantay sa blood pressure.

Kaniadtong Hulyo 19, 2021, iyang nadawat ang ikaduha nga dose sa bakuna nga AstraZeneca. Wala siyay gibati nga side effects, ug nakabisita pa siya sa iyang uma ug nakahimo pa sa mga lihokon sa panimalay.

Segun niini, iyang gi-aghat ang tanan nga dili gayud mahadlok nga magpabakuna.

Nanawagan usab si Mr. Gam sa tanan mga seniors nga pahimuslan kini nga higayon aron magpabakuna na gayud, aron mapanalipdan ang kaugalingon sa bahad sa COVID-19, ug makabalik na kita sa normal nga pagpanginabuhi.