SALAMAT, SEN. BONG GO!

Personal nga midangat si Senador Christopher Lawrence “Bong” Go sa pag-inaugurate sa Quezon Central Market kaniadtong Marso 20, 2021, kung diin iyang gipasalig nga dili maulahi ang Bukidnon sa mga tabang gikan sa nasyonal nga gobyerno.

Pinaagi sa pagkoordinar ni Sen. Go ug sa Opisina sa Presidente, gigahinan og inisyal nga pondo nga P10M ang pagrehabilitate sa maong merkado, hinungdan nga nasugdan dayon ang pagtrabaho niini.

Gikalipay ug dakong pasalamat sa senador sa maabtikong pagdumala ni Mayor “Poling” Lorenzo kauban sa tibuok konseho sa Sanguniang Bayan sa padayung serbisyo sa katawhan. 

Iya usab gidasig ang katawhan nga dili mahadlok sa bakuna. Matod niya, mas kahadlokan ang bahad sa pandemya sa COVID-19. Matod niya, walay lain yabi para makabalik sa normal ang kinabuhi kung dili ang pagkigkooperar ug paghiusa sa tanan, aron magmalampuson sab kita sa pagbatok sa sakit.

Gikalipay usab ang mga ayuda nga gidala sa mga nagkadaiyang ahensiya sa gobyerno: cash assistance sa mga benepisyaryo sa Tulong Panghanapbuhay sa Ating Displaced/Disadvantaged (TUPAD) Program gikan sa Overseas Workers Welfare Association (OWWA) nga girepresentar ni Deputy Administrator Bobsi Sabares; cash assistance ug groceries nga gihatag sa 650 ka benepisyaryo gikan sa Department of Social Welfare and Development (DSWD) ASEC Victor Neri; hygiene kits, crutches, ug wheelchair dala ni Department of Health (DOH) ASEC Charade Grande; ug mga makinarya sa pang-uma, fingerlings, semilya, ug uban pang hinabang sa mag-uuma gikan sa Department of Agriculture (DA) nga gi representar ni Region X Technical Director Carlota Madriaga.

Nanghatag usab ang Office of the Special Assistant to the President (OSAP) og mga bike, sapatos, vitamins, ug groceries.

Gipadayag usab ni Department of Labor and Employment (DOLE) ASEC Victor del Rosario ug Department of Trade and Industry (DTI) ASEC Flor Amante ang mga programa sa gobyerno nga mahimong pahimuslan sa katawhan aron moasenso sila.