DISYEMBRE 11, 2019 – Kinahanglan nga adunay UNOD ang mga programa sa lungsod.

Mao kini ang mensahe ni Mayor “Poling” Lorenzo sa mga Kapitanes sa 31 ka barangay sa Quezon, Bukidnon, atol sa pag-plano sa mga nagkadaiyang plano para sa kalamboan sa matag-barangay.

Matod pa niya, haron nga makab-ot ang tinuod ug makanunayon nga kalampusan, dili lang dapat basta-basta nga mga proyekto ang mugnaon. Iya usab paningkamotan nga madugangan ang abilidad sa mga lideres sa barangay sa pagpauswag sa ilang mga gingsakpan nga komunidad.

Iya usab gipadayag nga aduna nay nasayran nga pag-uswag sa kahapsay ug kalinaw sa lungsod sa Quezon, gumikan sa pag-implementar sa programa sa nasyonal nga gobyerno nga End Local Communist Armed Conflict (ELCAC).

Gi-dugang usab niya nga inubanan sa makanunayon nga kalinaw ang kalamboan. Kung walay bahad sa kinabuhi sa katawhan, dili sila ma-taha nga magnegosyo.