DEC. 13, 2019 – Gipuno sa pagmaya ang kahapunon human nga gi-tuman ang mga pangandoy sa 304 nga kabataan pinaagi sa Project Angel Tree.

Sa pagmugna sa maong proyekto, gisuta sa Department of Labor and Employment (DOLE), inubanan sa Public Employment Service Office (PESO) nga gipangulohan ni PESO Manager Imelda Pilar Perpetua, ang mga kagustuhan sa mga bata nga nalambigit sa child labor, ilabi na karon nga panahon sa Pasko.

Gi-tinguha sa Project Angel Tree nga mapakgang ang child labor sa tibuok nasod, haron nga makahigayon ang kabataan nga maka-skwela, alang sa pag-andam sa ilang kaugmaon.

Gipadayag ni Mayor “Poling” Lorenzo ang tinguha sa pag-siguro sa competitive advantage sa kabatan-onan sa Quezon, Bukidnon. Matod pa niya, kung mahimo sila nga mas maalam, taas, ug himsog, lauman nga mo-asenso sila.