PROJECT UPDATE: Mao kini ang hulagway sa istraktura nga kahimutangan sa umaabot sa Quezon Community Hospital.

Gisuta kini ni Mayor “Poling” Lorenzo aron masiguro nga subay kini sa plano ug insakto ang plastar sa mga pasilidad.

Paningkamotan usab nga mas paspasan pa gayud ang pagtrabaho niining istraktura, kung diin magbutang og dugang nga isolation units. Kung in kaso motaas ang ihap sa kaso sa COVID-19 dinhi sa lungsod, adunay igo nga espasyo aron magquarantine ang mga taong nagpositibo.

Nagpabilin nga andam ang lungsod sa Quezon, Bukidnon sa pagsugpo sa bahad sa COVID-19. Sa karon, adunay 174 ka Modular Isolation Units gitukod sa matag barangay, samtang adunay 11 ka beds sa Municipal Isolation Unit. Andam usab ang kabarangayan nga dugangan pa gyud ang isolation units sa ilang barangay kung aduna may emerhensiya.

Sa karon, anaay usa lamang ka aktibong kaso sa COVID-19 sa talaan sa Quezon, Bukidnon.