PROJECT UPDATE: Nagpadayon ang pagrenovate sa Freedom Park. 

Sa bag-ong plastar sa parke, ang stage mabalhin sa pikas bahin, aron dili na maglisod ang mga bisita nga motanaw sa stage area ug mas ma-enjoy na ang mga ipahigayon nga mga programa dinhi bisan naa sila sa luyong bahin.

Sa luyong bahin usab sa bag-ong stage area, gina tukod ang usa ka building kung diin mahimutang ang police, fire, ug rescue sub-stations inubanan sa usa ka Pasalubong Center. Kini nga building mag atubang sa National Highway.

Giabrihan usab ang dalan sa kanhi pwesto sa stage area aron mas sayon na ang pag-agi sa mga sakyanan dinhing dapit. 

Aduna usab terminal sa mga Public Utility Vehicle nga iplastar dapit sa parke.

Kini nga lakang gipasiugda ni Mayor “Poling” Lorenzo aron matagaan ang katawhan og mga lugar kung diin maka-relax ug makasuroy sila uban ang ilang mga pamilya ug uban pang mga minahal sa kinabuhi.

Mokantidad ang proyekto og P13M.