MARSO 11, 2021 – Ang pletehan sa pampublikong sakayan dapat mahimong patas, aron dili lamang mabuhi ang mga drayber ug operator; makontento usab ang mga pasahero segun sa ilang gibayad. 

Mao kini ang gipamahayag ni Mayor “Poling” Lorenzo sa gipahigayon nga Public Hearing bahin sa pletehan sa bao-bao ug motorela. 

Gipahigayon kini nga Public Hearing aron makonsulta ang publiko bahin sa taripa sa bao-bao ug motorela, samtang nagpadayon ang pagpanday niini. 

Gihan-ay karon sa lokal nga panggamhanan sa Quezon, Bukidnon ang pletehan sa bao-bao ug motorela aron mahimong plastar ang sakayan, ug mas molambo pa gayud ang ekonomiya sa lungsod.

Gipangunahan sa Municipal Transport Franchising Regulatory Board (MTFRB), gipangulohan ni Vice Mayor Joseph Durotan, Sr., ug inubanan ni Councilor Nilo Bardon ang maong panaghisgot.