Quezon, Bukidnon COVID-19 update as of Nov. 11, 2020:

Gikalipay sa lokal nga panggamhanan sa Quezon, Bukidnon nga WALA NAY AKTIBONG COVID-19 CASES sa lungsod sa pagka karon. Sumala sa taho sa Municipal Health Office (MHO), nakarekober na ang ika-34 nga kaso nga natala sa lungsod.

Mapasalamaton usab kita sa tanan nga nitabang sa pagpakunhod sa mga kaso sa COVID-19 ug sa nagpadayong hugot nga pagpanalipod sa katawhan.

Naghinaot kita nga wala nay bag-ong kaso sa COVID-19 moabot sa lungsod. Isa kini ka dakong hagit sa atong tanan nga magpabilin nga maampingon. 

Bisan pa man wala nay aktibong kaso sa COVID-19 sa Quezon, magpadayon kita sa pagPALAYO, TABON, HUGAS, ug HINLO aron kanunay tang makapanginabuhi nga luwas sa sakit.