SETYEMBRE 13, 2019 – Gi-suta sa mga representante sa DILG ang mga kwalipikasyon sa munisipyo sa Quezon atol sa Seal of Good Local Governance (SGLG). Gipangulohan nila LGOO Alfred Mamuyac, inubanan ni LGOO Glenda Hope Beley, gi-tuki sa maong delegasyon ang performance sa munisipyo sa Quezon sa Disaster Preparedness, Peace and Order, ug Environmental Management.

Matod pa ni Mr. Mamuyac, sa pito (7) ka area kung diin naghatag og report ang Quezon LGU, mao kini ang mga area nga nagkinahanglan og dugang nga pag-tuki.

Mao kini ang una nga higayon nga naka-lusot ang lungsod sa Quezon sa validation sa nasyonal nga panggamhanan.

Gi-suroy ni Vice Mayor Joseph Durotan, inubanan sa mga department heads sa munisipyo sa Quezon, ang evaluators sa usa ka tour sa Shrine of the Divine Mercy nga nahimutang sa Brgy. Minsalirac.