PEBRERO 19, 2020 – Gipasiugdahan sa mga nagkadaiyang mga lideres sa tribong Lumad sa Quezon, Bukidnon, sa pagpangulo ni Municipal Indigenous People’s Representative (IPMR) Hon. Eladio Lilawan, ang ritwal kung diin nagsumikad ang Sunggod ta Kamanga, kung diin gi-andam ang mga gamit sa pag-uma.

Matod pa ni Datu Lilawan, bisan pa man wala na-dayon ang matag-tuig nga festival gumikan sa hulga sa COVID-19, masayran ang tinuod nga diwa sa Sunggod ta Kamanga pinaagi sa pag-ampo ug pag-tahod kay Magbabaya, inubanan sa mga ka-tribu.

Gi-pangunahan ni Datu Zoilo Gomera ang duha ka ritwal: palangosa o padugo, ug ang pagpananghid o patukaw.

Sa pag-hinabi sa mga tribal chieftain ug IPMR, ilang gipadayag usab ang kabililhon sa pag-higugmaay ug pag-pinasayloay.