NOBYEMBRE 13,2019 – Gihatagan nalang hangtod Nobyembre 18 ang mga nanag-iya sa kabalayan ug pribadong establisyamento nga gubaon ang mga estraktura nga naka-okupar sa sidewalk sa sentrong bahin sa Brgy. Poblacion, Quezon, Bukidnon, subay sa gipakanaog nga mando ni President Rodrigo Duterte pinaagi sa Department Order No. 2019- 121 sa Department of Interior and Local Government (DILG) nga hawanan ang mga kadalanan ug mga sidewalks aron nga magamit kini sa publiko.

Padayon ang pag-inspection ug pag-pahimangno sa Road Clearing nga gipangulohan sa Road Clearing Task Force, nga gilangkoban sa Public Safety Department ug kapulisan sa Quezon, Bukidnon.