SEPTEMBRE 04, 2019 – Alayon sa road clearing operation nga gi-mando sa national nga panggamhanan, gi-bisitahan sa Local Enforcement Team ang mga tag-iya sa mga establishments nga nahimutang duol may national highway nga hatagan sila og 60 ka adlaw para hawanan ang maong espasyo.

Kahinumdoman nga mipakanaog ang DILG sa Memorandum Circular 2019-121 kaniadtong Hulyo 29, 2019, nga nag-mando sa tanan mga lokal nga panggamhanan sa pagpa-hawan sa national roads.

Matod pa sa memorandum, “…all local officials are enjoined to… reclaim public roads which are being used for private ends and… rid them of illegal structures and constructions.”

Pinaagi sa maong operasyon, mahimong madugangan pa ang kahapsay sa dalan, ug makuhaan ang traffic jams nga gakahitabo gumikan sa ka-apiki sa espasyo kung diin mo-agi ang daghang truck, bus, kotse, motor, ug uban pang sakyanan.