MARSO 26, 2021 – Sa pakighinabi ni Mayor “Poling” Lorenzo sa konseho sa Brgy. Salawagan nga gipangulohan ni Kapitan Rosalinda Lopez, gikalipay sa maong mga opisyales ang mga kalamboan nga umaabot para sa ilang barangay. 

Sama na dinhi ang pagtukod sa Food Park ug terminal, ug sa pagsemento sa mga dalan sulod sa barangay nga pahimuslan sa mga moagi. Kini nga mga proyekto giplanohan na aron mas molambo pa gyud ang maong barangay.

Padayon nga nagtrabaho ang lokal nga panggamhanan sa Quezon, Bukidnon aron mapatuman na gayud ang mga proyekto nga magdala og kaayuhan sa katawhan, ug magsiguro sa maayong kaugmaon sa lungsod.