OKTUBRE 1, 2019 – Malampuson nga gipahigayon ang adlaw sa pagdayeg ug pagpalipay sa katigulangan sa Quezon, Bukidnon sa ika-tulo nga Senior Citizen’s Day sa Doña Resing Park.

Sa maong kalihokan, gi-tapok ang lapas sa 4,000 ka senior citizens sa kabarangayan sa Quezon, Bukidnon. Isip pagdayeg sa ilang mga kontribusyon sa paglambo sa lungsod, adunay libre nga mga serbisyo sama sa pagpa-checkup sa mata ug kalawasan, pagpa-alot ug pagpatina, body massage, manicure ug pedicure, ug uban pa.

Gi-hatagan usab ug higayon ang mga representante sa barangay nga ipakita ang ilang mga abilidad pinaagi sa usa ka Talent Competition, kung diin nagmadaugon ang Brgy. San Jose isip Best Overall Performer.

Aduna usab gimugna nga mga dula sama sa Egg Catch ug Maria Went to Town alang sa dugang kalipay sa mga ni-tambong.

Kahinumdoman nga gi-mugna ni Mayor “Poling” Lorenzo ang maong kalihokan kaniadtong termino niya isip Bise Mayor alang sa pag-hatag sa kalipay sa katigulangan sa Quezon. Sa wala pa nahuman iyang termino isip lider sa 13th Sangguniang Bayan, gi-mugna ang resolution nga nag-himo sa Senior Citizen’s Day nga usa ka annual event, nga ipahigayon matag Oktubre 1.

Matod pa niya, bisan pa og senior citizen na siya, uban sa mga ni-tambong, aduna pa silay dako nga kontribusyon sa katilingban.

“It is not the end for us. This is just the beginning. The future begins now,” gi-awhag ni Mayor Lorenzo.