SETYEMBRE 6, 2019 – Gisugdan ang Community Based Skills Training on Electrical Installation NC II nga gi-sponsor sa Del Monte Foundation, Inc. sa TESDA Training Center.

Matod pa ni Councilor Jerly Jay Areja, mapasalamaton siya nga daghan mga skills training nga gisugdan sa lungsod sa Quezon, ubos sa pagdumala ni Mayor “Poling” Lorenzo. Iya usab gipadayag nga angay nga makat-on ang tanan sa lahi-lahi nga mga livelihood skills alang sa dugang nga higayon sa panginabuhi.

Gi-awhag ni Raymond Bandalan, nga Program Supervisor sa Del Monte Foundation, Inc. (DMFI) nga nakig-tambayayong sila sa lokal nga panggamhanan sa Quezon alang sa paghatag sa maong skills training. Pagka-human sa training, tabangan sa DMFI ang trainees sa pag-pangapply sa trabaho.

Apil usab sa maong training ang Fire Alarm installation, Entrepreneurship, Rights of the Workers, ug Values Formation.