OKTUBRE 8, 2019 – Nagmadaugon si Marjun Elarco nga sakop sa grupong Bambam Vibration sa Ugyaban ta Kiokong Season 2, pinaagi sa iyang presentasyon sa sand art.

Gi-angkon usab sa Hip Duo ug sa Cabilin Dance Group sa Quezon National High School (QNHS) ang 2nd ug 3rd place gumikan sa ilang mga dance numbers.

Sa ikaduhang higayon sa Ugyaban ta Kiokong, adunay 17 ka lumilihok ang nagpakita sa ilang hanas sa pag-awit, sayaw, ug uban pa.

Gi-mugna ang maong kalihokan sa lokal nga panggamhanan sa Quezon, Bukidnon inubanan sa Aktibong Kabatan-onan sa Quezon (AKQu).