We love you lolo ug lola!

Malipayon nga gidawat sa mga Senior Citizens sa Brgy. Sta. Cruz, Mibantang, Lipa, Palacapao, Cebole, C-Handumanan, Cawayan, San Roque, Linabo, Sta. Felomina, Minongan, ug Mahayag, Quezon, Bukidnon ang ilahang mga gift packs ug premyo sa raffle nga gibunot kaniadtong Oktubre 1, 2021, sa pagsaulog sa Senior Citizen’s Day.

Adunay swerteng nakadawat og electric fan, foam, unlan, heater, thermos, water dispenser, takuri, ug cash gift. Gipadad-an usab sila og food packs nga naay sulod nga gatas, kape, kamay, biscuits, juice, ug fruit cocktail.

Aduna usab libreng check-up nga gipahigayon alang sa mga nanay ug tatay nga adunay gihambing nga balatian aron matagaan kini og tambal.

Napuno gayud sa pagmaya ang atong mga lolo ug lola sa atong gihatag nga pahalipay kanila.

Karong bulan sa Oktubre, padayon nga saulogon ang Senior Citizen’s Day sa naglain-laing barangay alang sa mga aktibidades nga magdala og lingaw sa atong seniors sa kabarangayan.