DISYEMBRE 16, 2019 – Isip pagbatok sa negatibong panlantaw sa isyu sa HIV/AIDS, gi-saulog sa lokal nga gobyerno sa Quezon, Bukidnon pinaagi sa Municipal Health Office (MHO) ang World AIDS Day: Candle Lighting Solidarity Night.

Pinaagi sa maong kalihokan, gipakita sa lokal nga panggamhanan sa Quezon nga gi-dawat niini ang mga pasyente sa HIV/AIDS, ug dili kini kinahanglan ma-taha nga mo-duol sa mga opisyales sa LGU haron nga ma-abagan ug panambalan.

Tumong sa candle lighting ang pagpakgang sa stigma kung diin nagsumikad ang diskriminasyon sa mga tawo nga adunay HIV/AIDS, ug tagaan kini ug paglaum nga dawaton sila sa katawhan, ug mahimong mabuhi pa sila nga normal.

Matod pa ni Asst. Municipal Health Officer Dr. Lea Paula Catalan, angay nga mahimong abri ang panghuna-huna sa katawhan haron nga mahimong insakto ang pagresponde sa katilingban kung aduna may higayon nga makuha sa usa ka tawo ang sakit.